गुढीपाडव्याच्या शुभेच्छा!

गुढीपाडव्याच्या शुभेच्छा!!!

काय ऑर्डर केलंत पाडव्यासाठी? खव्याच्या पोळ्या की खाजाचे कानवले?

पूर्ण पुण्यात फ्री होम डिलिव्हरी साठी 'खावाकी फूड प्रॉडक्ट्स'ला संपर्क करा.

फोनः ९५५२५८०३२१ वेबसाईटः www.khawakee.com

लेट्स ट्राय खावाकी...

"आई, अहो तुम्हाला जे वाटतंय ते तुम्ही खाऊ शकता. मी फक्‍त एवढंच म्हटलं की मला मटणाचा वास सहन होत नाही. त्यामुळं मी नाही बनवू शकणार तुमच्यासाठी. पण हां, हॉटेलमधून आणायचं असेल तर सांगा, मी ऑफीसमधून येताना घेऊन येईन..."
"नको नको, मला नै बै ते हॉटेलातलं आवडत. केवढा मसालाच असतो त्यात. चिकन तरी बर्‍यापैकी अस्तं, पण मटणाचे पिस तर शोधून काढावे लागतात..."
"..मग काय करायचं तुम्हीच सांगा आता."
"काय करणार सूनबाई, माझी म्हातारीची आता स्वैपाक बनवायची ताकद पण नाही. एके काळी पन्‍नास-पन्‍नास माणसांचा स्वैपाक घरातल्या घरात बनवायचे मी. आणि मटण तर असं बनवायचे की लोक..."
"..माहित्येय मला आई ते सगळं... पण आपण आज काय करू शकतो यावर बोललो तर जास्त चांगलं, नाही का?"
"हं... राहू देत मग. असंच खावंसं वाटलं म्हणून म्हटलं तुला. नसेल जमत तर काय... आलीया भोगासी, असावे सादर..."
"असं नका म्हणू आई, मी बघते काहीतरी संध्याकाळपर्यंत. निघते आता, उशीर होतोय."
----------------------

"काय गं, काय शोधतीयेस 'गूगल'वर?"
"अगं काही नाही, 'चांगलं' मटण बनवून देणारं कुणी मिळतंय का शोधत्येय..."
"काय म्हणतेस? तू आणि नॉन-व्हेज...?"
"माझ्यासाठी नाही गं... सासूबाईंसाठी. त्यांना आवडतं हे सगळं.. चिकन, मटण, फिश, आणि काय काय... मला तर वास सुद्धा सहन नाही होत त्याचा, मग घरात बनवणं तर लांबच!"
"अच्छा, मग हॉटेलमधून पार्सल घेऊन जायचं ना त्यांच्यापुरतं..."
"मी ही तेच म्हणाले, पण त्यांना तसं मसालेदार नाही आवडत. आता त्यांना हवं तसं, घरगुती पद्धतीचं, चविष्ट, आणि 'चांगलं' मटण बनवणारं शोधायचं तरी कुठं?"
"ए, तू 'खावाकी' ट्राय केलंयस का?"
"काय???"
"अगं 'खावाकी फूड प्रॉडक्ट्स'... मागे मी होळीच्या दिवशी पुरणपोळ्या नव्हत्या का आणल्या डब्यातून."
"हो हो हो, आठवलं. पण त्यांच्याकडं नॉन-व्हेजसुद्धा मिळतं?"
"अर्थातच! अगं आमच्याकडं तर सारखं चिकन बिर्याणी, मटण करी, प्रॉन्ज मसाला, कोंबडी वडे, आणि काय काय सारखं मागवत असतात."
"मागवत असतात म्हणजे?"
"अगं, म्हणजे फोनवरून ऑर्डर देऊन ठेवायची. आपल्याला पाहिजे असलेल्या वेळी होम डिलीव्हरी मिळते..."
"काय सांगत्येस काय? म्हणजे आपल्याला आणायला नाही जावं लागत?"
"अंहं, अगदी घरपोच मिळतं सगळं. छान घरगुती पद्धतीचं, कमी मसालेदार, चविष्ट, आणि गरम-गरम..."
"व्वा! तू सांगतियेस त्यावरून तरी सासूबाईंना आवडेल असंच वाटतंय. प्लीज मला नंबर देत्येस त्यांचा?"
"अगं माझ्याकडं आत्ता नंबर नाहीये. घरी ब्रोशर आहे त्यांचं, त्यावर आहे. आणि माझ्या सासूबाईच ऑर्डर करतात त्यामुळं माझ्याकडं सेव्ह नाही केलेला..."
"अरेरे, आता?"
"अगं डोन्ट वरी, त्यांची वेबसाईट आहे ना www.khawakee.com. त्यावर तर तुला सगळ्या पदार्थांचे रेट पण मिळतील. आणि फोटो सुद्धा बघायला मिळतील. आणि हो, ऑनलाईन ऑर्डरसुद्धा घेतात बरं ते."
"मस्तच! काय म्हणालीस वेबसाईट - डब्ल्यू डब्ल्यू डब्ल्यू खा-वा-की डॉट कॉम! येस्स... काय मस्त साईट आहे गं. आणि केवढे पदार्थ आहेत त्यांच्याकडं..."
"हं... आता निवांत बघून घे सगळं आणि तुझी ऑर्डर प्लेस करून झाली की मला सांग..."
"थॅक्यू व्हेरी मच! खूप मोठ्ठं काम केलंस तू माझं. आत्ताच सासूबाईंसाठी मटण करीची ऑर्डर देऊन टाकते..."
"ऑल द बेस्ट!"

खावाकी... पुन्हा घरपोच!

"हॅलो, खावाकी?"
"हो, बोला. काय ऑर्डर करायचंय आपल्याला?"
"मी व्ही. व्ही. देशपांडे बोलतोय पाषाणमधून. मागे मी तुमच्याकडून पुरणाच्या पोळ्या आणि उकडीचे मोदक घेतले होते. मला १५ तारखेला २० पुरणपोळ्या आणि १ किलो चकली हवीय."
"२० पुरणपोळ्या आणि १ किलो चकली, १५ तारखेला. मिळेल, पण सध्या आमची होम डिलीव्हरी सेवा चालू नाही. तुम्हाला लक्ष्मी रोड किंवा स्वारगेटच्या पिक-अप सेंटरवरून घेऊन जावं लागेल."
"अहो पण गेल्या वेळेस तर तुम्ही मला पाषाणला डिलीव्हरी दिली होती. प्लीज मला १५ तारखेलाही होम डिलीव्हरी द्याल का?"
"माफ करा, पण सध्या आम्ही त्या भागात डिलीव्हरी देऊ शकत नाही."
"अहो, मी सिनिअर सिटीझन आहे हो. ती तुमची होम डिलीव्हरीची सोय इतकी चांगली आहे ना आमच्यासाठी... फक्त फोनवरून ऑर्डर दिली की घरपोच! का बंद करताय ही सर्व्हीस?"
"बंद करत नाही, पण सध्या आम्हाला शक्य होत नाहीये. तरी लवकरच होम डिलीव्हरी पुन्हा सुरू होईल. तेव्हा तुम्हाला कळवूच."
"ठीक आहे. १५ तारखेला मी लक्ष्मी रोडवरून पिक-अप करेन. पण तेवढं होम डिलीव्हरीचं लवकर सुरू करा प्लीज..."
---------------------------------

"हॅलो, खावाकी फूड प्रॉडक्ट्स का?"
"हो बरोबर. बोला काय ऑर्डर आहे आपली?"
"मी मिसेस साठे बोलतीये कोथरूडमधून. मला पुढच्या सोमवारी १५ खव्याच्या पोळ्या, अर्धा किलो बेसन लाडू, आणि अर्धा किलो चकली हवीय."
"मिळेल, पण सध्या आम्ही होम डिलीव्हरी देऊ शकत नाही. तुम्हाला आमच्या लक्ष्मी रोड किंवा स्वारगेटच्या पिक-अप सेंटरवर यावं लागेल."
"अहो पण मागच्या वेळी तर तुम्ही डिलीव्हरी दिली होती ना... इतकं बरं पडतं म्हणून सांगू... एकदा फोन करून तुमच्याकडं ऑर्डर दिली की निश्चिंतपणे बाकीच्या कामाला लागता येतं. ठरलेल्या दिवशी ठरलेल्या वेळी सगळे पदार्थ घरपोच! आता सोमवारी आमच्याकडं छोटा कार्यक्रम आहे. 'खावाकी'ला ऑर्डर देऊन टाकू आणि मग बाकीच्या तयारीला लागू असा प्लॅन होता बघा माझा..."
"माफ करा, पण सध्या होम डिलीव्हरी शक्य नाही. लवकरच आम्ही पुन्हा ही सोय सुरू करू, तेव्हा तुम्हाला कळवूच..."
---------------------------------

...सिनिअर सिटीझन देशपांडे आणि हाऊसवाईफ मिसेस साठे... अशा अनेक कस्टमर्सनी आवर्जून 'खावाकी'च्या होम डिलीव्हरीचं कौतुक केलंय आणि ही सेवा पुन्हा सुरू करावी म्हणून आग्रह धरलाय... थोड्याच काळात पुणेकरांचे फेवरीट बनलेले 'खावाकी'चे फेस्टीवल फूड आयटम्स आता पुन्हा मिळणार घरपोच! सण असो किंवा घरगुती समारंभ, वाढदिवस असो किंवा ऑफिसची पार्टी, पाहुण्यांना बोलवा, मित्रांसोबत शेअर
करा, किंवा स्वतःसाठी ऑर्डर करा... 'खावाकी'चे खास - पुरणपोळी, खवापोळी, उकडीचे मोदक, सीकेपी खासियत खाजाचे कानवले, आणि इतर अनेक पदार्थ... पुन्हा एकदा 'फ्री होम डिलीव्हरी'सहीत. आजच ऑर्डर करा - 9552580321 किंवा www.khawakee.com वर.

दीपावलीच्या हार्दिक शुभेच्छा

लाख दिव्यांची आरास सजू दे, आनंदाचे मळे फुलू दे,
पणतीच्या रुपात नव्याने आशेची नवी ज्योत जळू दे!

-: दीपावलीच्या हार्दिक शुभेच्छा :-

विजयादशमीच्या शुभेच्छा

सोन्यासारख्या माणसांसाठी
सोन्यासारखा खाऊ,
सोन्यासारखा खाऊ खाऊन
सोन्यासारखं राहू!

विजयादशमीच्या पोटभर शुभेच्छा!

Festivals are here again...

Ya Devi Sarva Bhuteshu Shaktirupen Sansthita
Namastasyai Namastasyai Namastasyai Namo Namah

With the auspicious arrival of Goddess Durga, we are excited to invite you to our updated website - www.khawakee.com

Get the feel of refreshing festival season, with mouth watering festival food items at Khawakee. You can check item-wise product details and rates before placing your order.

Get delicious festival food at your doorstep, anywhere in Pune. We knew you were waiting for this...

Kyonki, Khanewalon ko khane ka bahana chahiye... :-)

गणपती बाप्पा मोरया

"नारायण, नारायण" असा जप करत नारदमुनी गजाननाकडं आले. दोन हातात दोन छोटे ब्रश आणि सोंडेत एक मोठा ब्रश. एक सुंदर निसर्गचित्र रंगवण्यात दंग होते श्रीगणेश. पृथ्वीतलावर सातत्यानं ये-जा करणार्‍या मोजक्या देवांपैकी श्रीगणेश एक. आपण जाऊ तिथला परिसर सुंदर बनवायचा त्यांचा आग्रह. हिरव्या-पिवळ्या रंगांची मुक्त उधळण केली होती त्या चित्रात. आता हे चित्र पूर्ण झालं की पृथ्वीवरच्या नक्की कुठल्या भागात बसवलं जाईल, या विचारात नारदमुनी गढून गेले. इतक्यात गणेशाचं त्यांच्याकडं लक्ष गेलं.

"प्रणाम मुनीवर, कसं काय येणं केलंत?" सगळे ब्रश बाजूला ठेवत गणेशानं नारदमुनींना विचारलं.
"नारायण, नारायण," भानावर येत नारदमुनी म्हणाले, "गणेशदेवा, तुझे भक्तगण तुझ्या स्वागताच्या जय्यत तयारीला लागलेले पाहून, तुला चार गोष्टी सांगायला आलोय."
"बोला मुनीवर, काही गडबड तर नाही ना?"
"गडबड म्हणजे...तसं नवीन काही नाही, पण..."
"पण? पण काय नारदमुनी?"
"पण हेच की तिकडच्या सगळ्या जुन्या समस्या अजूनही आहेत तशाच आहेत. नव्हे, उलट त्यांचं स्वरुप अधिकच गंभीर होत चाललंय..."
"परिस्थिती खूपच वाईट आहे का मुनीवर?"
"गणेशा, दर चतुर्थीला भक्तगण तुला साकडं घालतात, त्यांच्या समस्या सोडवायचं. शिवाय वर्षभर तुझ्या मंदीरांमधून नवस, आरत्या, महापूजा, अभिषेक, हे सारं सुरु असतंच. झालंच तर, वर्षातून एकदा तू स्वतः जाऊन तिकडं राहून येतोस काही दिवस. तरीही लोकांच्या समस्यांना काही अंत दिसत नाही बघ."
"कुठल्या समस्यांबद्दल बोलताय तुम्ही?" गणेशानं अदबीनं विचारलं.
"कुठल्या कुठल्या समस्या सांगू गजानना?
- महागाईनं जनसामान्यांचं कंबरडं मोडलंय;
- जीवनावश्यक वस्तूंचे भाव गगनाला भिडलेत;
- भ्रष्टाचारानं अर्थव्यवस्था मोडकळीला आलीय;
- दहशतवादानं माणसा-माणसातल्या विश्वासाचा बळी घेतलाय;
- देशाच्या...."
"थांबा थांबा मुनीवर," गजाननानं नारदमुनींना थांबवत म्हटलं, "अहो या सगळ्या समस्या माणसानंच निर्माण केल्यात की नाही?"
"हो, मग?"
"अहो मग या सगळ्या समस्यांवरचे उपाय माणसाकडंच असायला पाहिजेत की नाही?"
"हो, बरोबर आहे तुझं म्हणणं, पण..."
"मग कसला पण घेऊन बसलात मुनीवर? ते सगळे उपाय स्वतःच्या घरी ठेऊन माणसं माझ्याकडं येतात, फक्त समस्या घेऊन. मग उपास-तापास, नवस-सायास, होम-हवन, मंत्र-अभिषेक हे सगळं करत बसतात. आता तुम्हीच सांगा, त्यांनी निर्माण केलेल्या समस्यांवर मी कसा काय उपाय काढणार बरं?"
"हं, तेही बरोबरच आहे म्हणा. पण तरी या समस्यांवर काही तरी केलं पाहिजेच ना? म्हणजे, दहशतवादावर, महागाईवर, भ्रष्टाचारावर,..."
"बास बास बास...अहो काय नारदमुनी, माणसांमध्ये फिरुन तुम्हीपण माणसांसारखं कुरकुरायला लागलात की हो. त्या माणसांच्या समस्या-बिमस्या सोडा माणसांवर. त्यांनी स्वतः शोधलेले उपायच त्यांना कायमचं तारु शकतील. तुम्ही आम्ही भरवलेला घास पचायचा नाही त्यांना. त्यापेक्षा मी तुम्हाला मोदक भरवतो, तो खा आणि संतुष्ट मनानं नारायणाचा जप करा," एवढं बोलून श्रीगणेशानं आतल्या बाजूला आवाज दिला, "मोदक घेतलेत का बनवायला? नारदमुनींना द्या जरा गरम-गरम..."
आणि मग....
.................

....मग काय, आम्ही घेतले की हो मोदक बनवायला! आणि बनवतोच आहोत - खूप खूप, भरपूर. तुम्हालाही खायचे असतील तर जरुर सांगा आम्हाला. त्याचं काय आहे, श्रीगणेशानं आम्हाला सांगितलंय, "हे जग खूप सुंदर आहे, त्याला अजून सुंदर बनवायचं आपण!"
ते चित्रसुद्धा आता पूर्ण होत आलंय. श्रावण-सरींनी सजवलेल्या आजूबाजूच्या हिरव्यागार निसर्गचित्राचा खरा चित्रकार येतोय आपली भूक शमवायला. तो गणाधिपती गजानन भुकेला आहे भक्तीचा, भावाचा, प्रेमाचा,....आणि स्वादिष्ट मोदकांचाही ! लागायचं मग तयारीला? आम्ही तर केव्हाचे तयार होऊन बसलोय वाट बघत... विघ्नहर्त्या गणरायाची आणि तुमची. कधी येताय मोदक खायला?

"उंदीर म्हणाला बाप्पांना
दर्शन देऊया भक्तांना,
मोदक-लाडू खाऊया
गणपती बाप्पा मोरया!!!"